Yevgeni Mixaylov

Rusiyanın Əməkdar artisti, P. İ. Çaykovski adına Moskva Dövlət Konservatoriyasının professoru Yevgeni Mixaylov Bakıda solo konsert proqramı ilə musiqisevərlərin qarşısına çıxacaq. Konsertdə dünya klassik musiqisinin görkəmli bəstəkarları V. A. Motsart, L. Bethoven, A. N. Skryabin və M. P. Musorqskinin seçilmiş əsərləri səsləndiriləcək. Sənətçinin Bakı səfəri çərçivəsində daha bir mühüm hadisə onun “Victor Viva-Music” Beynəlxalq Klassik Musiqi Müsabiqəsində münsiflər heyətinin sədri kimi iştirak etməsidir.